ხშირად დასმული კითხვები
საქართველო ფართოდ მოიხსენიება ღვინის სამშობლოდ, რადგან მას მეღვინეობის ხანგრძლივი და მდიდარი - 8000 წლიანი ისტორია აქვს. არქეოლოგიური გათხრების შედეგად დადგინდა, რომ საქართველოში, ღვინის დაყენების ტრადიციული მეთოდით, ღვინოს ჯერ კიდევ ძვ.წ. მეექვსე ათასწლეულში ამზადებდნენ, ხოლო ქვევრის ღვინის დაყენების უძველესი ქართული მეთოდი კი იუნესკოს არამატერიალური კულტურული მემკვიდრეობის წარმომადგენლობით სიაშია შეტანილი.
ქართული ღვინის გემო და ხარისხი უნიკალურია - საქართველოში 500-ზე მეტი ჯიშის ადგილობრივ ყურძენს შეხვდები, რომელთაგან ბევრი საზღვარგარეთ არც კი ხარობს, ხოლო ყველაზე ცნობილი ქართული ღვინოებია - საფერავი, რქაწითელი და ქისი.
ღვინის განსაკუთრებული მნიშვნელობა ქართულ კულტურაში საკმაოდ ბევრ წეს-ჩვეულებაში ჩანს, მათ შორის თამადისა და სადღეგრძელოების ტრადიციებში.
საქართველოს მეღვინეობის მდიდარმა ისტორიამ ქართული ღვინო ქვეყნის კულტურული მემკვიდრეობის უნიკალურ და მნიშვნელოვან ნაწილად აქცია, რაც დღესაც გრძელდება და როდესაც აქ ჩამოხვალ, ამ განსაკუთრებულ თავგადასავალს თავად გამოცდი.
გაზიარებასხვადასხვა წყაროებზე დაყრდნობით, მათ შორის See.place-ისა და Numbeo-ს მიხედვით, საქართველო მსოფლიოში ყველაზე უსაფრთხო ქვეყნების ათეულშია - დანაშაულის დონის დაბალი და დანაშაულის გახსნის მაღალი მაჩვენებლით.
ბოლო წლებში, ქვეყანაში, უსაფრთხოების მხარდასაჭერად რიგი რეფორმები გატარდა, მათ შორის, მეთვალყურეობისთვის ვიდეოკამერების გამოყენების, პოლიციის, საზოგადოებრივი უსაფრთხოებისა და გადაუდებელი დახმარების ერთიანი ნომრის(112) მიმართულებით.
აქ ასევე კარგადაა განვითარებული გიდების სისტემაც - სერტიფიცირებული გიდებით, რომლებიც პასუხისმგებელნი არიან ტურისტების უსაფრთხოებაზე მოგზაურობის განმავლობაში.
სანაპირო ზოლის ვიზიტორების უსაფრთხოება კი ქვეყნის სანაპირო დაცვის პასუხისმგებლობაა, რომელიც ასევე ეფექტურადაა გამართული. გარდა ამისა, ქვეყნის ვიზიტორების ჯანმრთელობისა და უსაფრთხოების უზრუნველსაყოფად, საქართველომ, Covid-19-ის პანდემიის დროს, სპეციალური ზომებიც მიიღო, შესაბამისად, თუ საქართველოში ჩამოსვლას აპირებ, იცოდე, რომ ეს უსაფრთხო გადაწყვეტილება იქნება და ქართველების სტუმართმოყვარეობა განსაკუთრებული შთაბეჭდილებებით აგავსებს.
გაზიარებაალბათ უკვე იცი, რომ საქართველოში მოგზაურობა წლის ნებისმიერ დროს შესანიშნავია და აქ, თითოეული სეზონი თავისი უნიკალურობით მოგხიბლავს, თუმცა იდეალური დრო კულტურული და ისტორიული ტურებით დაინტერესებულთათვის გაზაფხული(აპრილიდან ივლისის დასაწყისამდე) და შემოდგომაა(სექტემბრიდან ნოემბრის ბოლომდე). ამ პერიოდში ამინდი მეტწილად თბილია, თუმცა ზოგჯერ არის მსუბუქი ქარიც და წვიმაც.
ზაფხული შესანიშნავია ექსტრემალური გამოცდილებებისა და ლაშქრობების მოყვარულთათვის და თუკი საქართველოში ამ სეზონზე ჩამოხვალ, აუცილებლად ესტუმრე სვანეთსა და თუშეთს. ასევე, თუ წელიწადის ყველაზე ცხელ პერიოდში ზღვაზე დასვენებაც გინდა, ქვეყნის დასავლეთ ნაწილში, შავი ზღვის სანაპირო ზოლი ამ მიმართულებითაც მოგხიბლავს.
რაც შეეხება ზამთარს - ამ დროს შესაძლებლობა გექნება პოპულარული ზამთრის კურორტები - თოვლიანი გუდაური და ბაკურიანი მოინახულო, თხილამურებითა და სნოუბორდით ისრიალო და მრავალი სხვა, შენთვის საინტერესო გამოცდილება მიიღო.
გაზიარებაქართველები დიდი სტუმართმოყვარეობით გამოირჩევიან და საქართველოს, როგორც სტუმართმოყვარე ქვეყანას, მთელი მსოფლიოს მასშტაბით იცნობენ. ამ ყველაფერს ხშირად, ძალიან პატარა დეტალებშიც კი შეატყობ, როგორიცაა ქუჩაში მისალმების, გამოლაპარაკებისა და კაფე-ბარებში ახალი მეგობრების შეძენის შემთხვევები. ეს ქართველებისთვის დამახასიათებელია, რადგან მათ სტუმრების მიღებისა და გაზიარების სიყვარული ტრადიციად აქვთ - სტუმართმოყვარეობა ქართული კულტურის ერთ-ერთ მნიშვნელოვანი ნაწილია, ამიტომ არ გაგიკვირდეს, თუკი შენთვის სრულიად უცნობი ადამიანი გემრიელი საკვებითა და სასმლით გაგიმასპინძლდება.
თუ საქართველოში ვიზიტს გეგმავ, იცოდე, რომ ქართველებს ძალიან უყვართ თავისი ისტორია, ტრადიციები და კულტურა, შესაბამისად, შენი თავგადასავალი კიდევ უფრო ლამაზი, მეგობრული, სიახლეებით დატვირთული და დასამახსოვრებელი გახდება.
გაზიარებათბილისი შესანიშნავი ადგილია საცხოვრებლად - ეს ქალაქი მრავალ შესაძლებლობას გთავაზობს, მათ შორის, მდიდარ და უნიკალურ ისტორიას, საოცარ კულტურულ მემკვიდრეობას, შთამბეჭდავი ხელოვნებით ტკბობასა და თავდაუვიწყარ გართობას.
ის კეთილმოწყობილი, კოსმოპოლიტური ქალაქია, რომლის ინფრასტრუქტურა და კარგად განვითარებული საზოგადოებრივი ტრანსპორტი აუცილებლად მოგხიბლავს. ქალაქში გადაადგილებას ყველაზე მეტად მეტრო და ავტობუსები გაგიმარტივებს, ასევე, მომსახურებას თანამედროვე ჯანდაცვის ობიექტები გაგიწევს და საჭიროების შემთხვევაში, მრავალ საერთაშორისო სკოლასა და უნივერსიტეტსაც აღმოაჩენ.
თბილისში ცხოვრების ერთ-ერთი მთავარი უპირატესობა ცხოვრების დაბალი ღირებულებაა ევროპის სხვა დიდ ქალაქებთან შედარებით. საცხოვრებელი, საკვები და გართობა უფრო მეტად ხელმისაწვდომია, ვიდრე ევროპის სხვა ქალაქებში, რაც თბილისს ემიგრანტებისთვისა და ახალგაზრდა, ციფრული თაობისთვის კიდევ უფრო მიმზიდველ ვარიანტად აქცევს.
გარდა ამისა, თბილისი ცნობილია თავისი სტუმართმოყვარეობით, სხვადასხვა კულტურების მიმღებლობითა და მეგობრული სივრცეებით. ქალაქი გარშემორტყმულია მთებითა და სიმწვანით, რაც მშვიდ გარემოს ქმნის და გახვედრებს, რომ ამ ქალაქში ცხოვრება ნამდვილად საინტერესო თავგადასავალი იქნება, განსაკუთრებით კი მათთვის, ვისაც უძველესი ისტორიისა და თანამედროვე კულტურის ერთიანობა განსაკუთრებით ხიბლავს.
გაზიარებაქართული საქართველოს ოფიციალური ენაა, რომელზეც ლაპარაკობს ქვეყნის მოსახლეობის უმრავლესობა.
ქართული არის ქართველური ენა, რომელიც არ არის დაკავშირებული სხვა ენათა ოჯახთან. მას აქვს თავისი უნიკალური დამწერლობა, რომელიც ცნობილია როგორც მხედრული და XI საუკუნიდან გამოიყენება წერილობით ქართულად.
ქართულის გარდა, საქართველოში ასევე საუბრობენ რამდენიმე სხვა ენაზე, მათ შორის რუსულად, სომხურად და აზერბაიჯანულად.
ჩვენს ქვეყანაში ასევე ხშირად გაიგებ ინგლისურ ენასაც, რომელიც ფართოდაა ათვისებული ახალგაზრდა თაობებში და ტურისტულად მნიშვნელოვან ადგილებში აქტიურად გამოიყენება.
თუ საქართველოს ეწვევი, ქართული ენის გაცნობას მთელი ქვეყნის მასშტაბით შეძლებ, თუმცა ასევე სხვა ენების აღმოჩენის შესაძლებლობაც გექნება, გააჩნია რომელ რეგიონში გეგმავ მოგზაურობას.
გაზიარებასაქართველოს დედაქალაქი თბილისია, ქვეყნის უდიდესი ქალაქი, რომელიც 1,1 მილიონზე მეტ მაცხოვრებელს აერთიანებს.
ის ქვეყნის აღმოსავლეთ ნაწილში მდებარეობს, მდინარე მტკვრის ნაპირებზეა გაშენებული და უდიდესი ისტორიის მატარებელია.
თბილისი, ჩვენი წელთაღრიცხვით მე-5 საუკუნით თარიღდება და თავისი ისტორიის მანძილზე სხვადასხვა სამეფოების, მათ შორის სპარსეთის, არაბეთისა და ოსმალეთის იმპერიების მიერ იმართებოდა.
დღესდღეობით, თბილისი საკმაოდ ცოცხალი და კოსმოპოლიტური ქალაქია, რომელიც მრავალფეროვანი არქიტექტურით, მდიდარი კულტურული მახასიათებლებითა და საოცარი სტუმართმოყვარეობით ხასიათდება, მნიშვნელოვან ტურისტულ სანახაობებს აერთიანებს და მოგზაურებს უნიკალურ თავგადასავალს ჰპირდება.
თუ თბილისს ეწვევი, ძველ თბილისს, ნარიყალას ციხეს, თბილისის ოპერისა და ბალეტის თეატრს და სხვა ბევრ მიმზიდველ ღირსშესანიშნაობას იხილავ.
გაზიარებასაქართველო ევრაზიაში - ევროპისა და აზიის გზაჯვარედინზე მდებარეობს, კავკასიის რეგიონში, რომელსაც ჩრდილოეთით რუსეთი ესაზღვრება, სამხრეთით თურქეთი და სომხეთი, აღმოსავლეთით აზერბაიჯანი, ხოლო დასავლეთით - შავი ზღვა.
გეოგრაფიულად, საქართველო მრავალფეროვანი ქვეყანაა - აქ შეხვდები თვალუწვდენელ მთებს, უხვი მოსავლით სავსე ხეობებსა და გრძელ სანაპირო ზოლებს.
მისი დედაქალაქი თბილისია, რომელიც აღმოსავლეთ ნაწილში მდებარეობს და ქვეყნის დიდ ქალაქებს შორის პირველია.
მიუხედავად საქართველოს ტერიტორიის მცირე ზომისა, აქ მდიდარ კულტურულ და ისტორიულ მემკვიდრეობას აღმოაჩენ, მრავალსაუკუნოვან შემოქმედებით და ინტელექტუალურ მიღწევებს გაიცნობ და უნიკალური ტრადიციები მოგხიბლავს. შეუდარებელია ქართული სამზარეულო, მუსიკალური ჰანგები და მომაჯადოებელი ცეკვა.
თუ ჩვენს ქვეყანას ეწვევი, აქაურობის სილამაზითა და ვიზიტორების სიმრავლით ნამდვილად გაოცებული დარჩები, საქართველოში მოგზაურობის მრავალფეროვანი გამოცდილება, განსაცვიფრებელი პეიზაჟები და სიცოცხლით სავსე კულტურა კი არასოდეს დაგავიწყდება.
გაზიარება